வேலைத்தளத்தில் பாலியல் இம்சையை எதிர்கொள்கின்றீர்களா? அல்லது உங்களுக்குத் தெரிந்த யாருக்காவது அப்படி ஏதாவது நடந்துள்ளதா? உங்களுக்கான உதவியை இங்கே பெறலாம். சம்பவத்தை எடுத்துக்கூறுவதுடன் உங்களது கேள்விகளையும் முன்வைக்கலாம். நீங்கள் பெயர் எதுவும் குறிப்பிடத்தேவையில்லை. நிபுணத்துவம் வாய்ந்த ஆலோசனைக்குழு மூன்று நாட்களிற்கிடையில் உங்களுக்குப் பதில் தருவார்கள். சகல கோரிக்கைகளும் இரகசியம் பேணப்பட்டு கையாளப்படும்.
பாலியல் தொல்லைக்கு ஆளாகி உள்ளீர்களா இல்லையா என்பதில் உங்களுக்கு ஐயம் உண்டா? சிலவேளை நீங்கள் பிழையாக நடந்துகொண்டுள்ளதாக நினைக்கின்றீர்களா? எதிர்ப்புக்காட்டினால் விளைவுகளைச் சந்திக்க நேரிடும் எனப் பயப்படுகின்றீர்களா? யாரிடம் முறையிடுவது (நாடுவது) எனத் தெரியவில்லையா?
பாலியல் தொல்லைக்கு ஆளாகும் பல நபர்கள் இதே ஐயங்களைக் கொண்டுள்ளனர். ஆகையால் நடந்த சம்பவத்தைப் பற்றி நிபுணத்துவம் வாய்ந்த நபர்களுடன் உரையாடி ஆலோசனை பெறுவது நல்லது.
எங்களுடன் தொடர்பு கொள்ளுங்கள். எமது ஆலோசனைக்குழு உங்கள் கேள்விகளுக்குத் தகமையான, நம்பிக்கையான பதிலைத் தரும்.
வேலைத்தளங்களில் பாலியல் தொல்லை சட்டபூர்வமாகத் தடைசெய்யப்பட்டுள்ளது, உங்களைத் தற்காத்துக் கொள்ள உங்களுக்கு உரிமை உண்டு. உங்கள் உணர்வுகளையும் புலணுணர்வுகளையும் கவனத்தில் கொள்ளுங்கள். தொல்லை தானாக முடிவுக்கு வரும் எனக் காத்திருக்காதீர்கள். எதிர்ப்புக்காட்டாத பட்சத்தில் தொல்லை பலமாக அதிகரிப்பதே வழமையாக நடப்பதாகும். நடவடிக்கை எடுங்கள். காலம் தாழ்த்தாமல் நிபுணத்துவ ஆலோசனையும் உதவியும் பெறுங்கள். உதாரணத்திற்கு எமது இணையவழியிலான தொடர்புப்படிவம் ஊடாக.
